photo 70665140 - रशियाची उलान-उडे पहिली ‘सिस्टर सिटी’

रशियाची उलान-उडे पहिली ‘सिस्टर सिटी’

ठळक बातम्या



photo 70665140 - रशियाची उलान-उडे पहिली ‘सिस्टर सिटी’

म. टा. खास प्रतिनिधी, नाशिक

मनसेच्या सत्ताकाळातील चीनच्या युंग-यॉँग व जर्मनीच्या हेब्रॉन शहराबरोबर केला जाणार ‘सिस्टर सिटी’चा करार एकीकडे केंद्र आणि राज्य सरकारने लाल फितीत अडकवला असतानाच, भाजपच्या सत्ताकाळातील महापालिकेला रशियातील रिपब्लिक ऑफ बुऱ्याशिआमधील ‘उलान-उडे’ या शहराला नाशिकची सिस्टर सिटी बनविण्यास चालना दिली आहे. केंद्रीय परराष्ट्र व्यवहार मंत्रालयाने राज्य सरकारकडे या कराराचा प्रारुप आराखडा अभिप्रायार्थ महापालिकेला पाठविला आहे. नाशिक आणि उलान-उडे दरम्यान ‘सिस्टर सिटी’करिता द्विपक्षीय कराराचा मसुदा येत्या महासभेत मंजुरीसाठी ठेवण्यात आला आहे. त्यामुळे पहिली सिस्टर सिटीचा प्रस्ताव दृष्टीपथास येणार आहे.

दोन देशांमधील शहरांमध्ये आर्थिक, सांस्कृतिक, विज्ञान व शिक्षण क्षेत्रात परस्पर सहकार्य करण्यासाठी ‘सिस्टर सिटी’च्या प्रस्तावाला चालना दिली जात आहे. सिस्टर सिटी अंतर्गत स्थानिक राजकीय, तसेच बिगर राजकीय नेतृत्त्व विकास, पीपीपी तत्त्वावर योजनांची अंमलबजावणी, आर्थिक पाठबळ उपलब्ध करून देणे यात अपेक्षित असते. शहर विकासाबाबत दोन्ही शहरांमधील अनुभव, तंत्रज्ञानाची देवघेव केली जाते. त्यासाठी एक करारनामा केला जातो. मनसेच्या सत्ताकाळात यापूर्वी युंग यॉंग आणि हेब्रान सोबत असा करार करण्यात येणार होता. परंतु, केंद्र व राज्य सरकारने हा प्रस्ताव लाल फितीत अडकवला होता. परंतु, महापालिकेत आता भाजपची सत्ता असल्याने नव्याने सिस्टर सिटीच्या प्रस्तावाला केंद्रानेही चालना दिली आहे. रशियाच्या उडान-उडे या शहरासोबत करार करण्यासाठी केंद्रीय परराष्ट्र मंत्रालयाने प्रारुप करारनामा पालिकेकडे पाठवला आहे. सदरचा करार हा तीन वर्षासाठी असणार आहे.

सरकारने यासंदर्भात नाशिक महापालिकेकडून वस्तुनिष्ठ अभिप्राय मागविला होता. त्यानंतर कराराचा मसुदा महासभेच्या मान्यतेसाठी सादर करण्यात आला आहे. कराराला मंजुरी मिळाल्यानंतर महापालिकेकडून विविध प्रकारच्या योजना तयार केल्या जातील. त्यासाठी शासनाचा नगरविकास विभाग पालिकेला मदत करणार आहे.

यांची होणार देवाणघेवाण

सिस्टर सिटीअंतर्गत दोन्ही शहरांध्ये नागरी प्रशासन, नगरनियोजन, दळणवळण, निवारा, शिक्षण, संस्कृती, क्रीडा, मलनि:स्सारण, घनकचरा व्यवस्थापन, पायाभूत सुविधा, पर्यावरण, सार्वजनिक आरोग्य, विज्ञान व तंत्रज्ञान, पर्यटन, वारसा व्यवस्थापन, नागरी नुतनीकरण, शहरी आणि प्रादेशिक नियोजन या क्षेत्रांमध्ये परस्पर सहकार्य व देवाणघेवाण केली जाणार आहे. यासाठी करारनाम्यांतर्गत दोन्ही शहरांकडून त्यांच्यास्तरावर नोडल अधिकाऱ्यांची नियुक्ती केली जाणार आहे. सिस्टर सिटीच्या अंमलबजावणीसाठी दोन्ही शहरांकडून वार्षिक संयुक्त आराखडा तयार केला जाईल.

उडान उडेची जबाबदारी

रशियन फेडरेशनला या करारामधील सर्व मुद्यांच्या अंमलबजावणीसाठी मदतीची विनंती करणे, सर्व कामे अत्युच्च व्यावसायिक मानके व नैतिकता अनुसार करणे. शहर स्तरावर समन्वय कक्ष स्थापन करणे, कार्यशाळा घेण्यासाठी तसेच अभ्यासदौरे करण्यासाठी सहकार्य करणे. जनसहभागासाठी आवश्यक ते कार्यक्रम घेणे व संबंधितांशी समन्वय करणे. दोन्ही शहरांनी मान्य केलेल्या इतर अनुषंगिक भूमिकांची अंमलबजावणी करणे, अपेक्षित आहे.



Source link

Leave a Reply

Your email address will not be published. Required fields are marked *